為配合「第四十屆香港國際電影節」開幕，兩部電影《火鍋英雄》及《樹大招風》昨晚在文化中心舉行首映禮，除有古天樂、杜琪峯等擔任開幕嘉賓，出席演員包括有份參演兩部電影的陳坤、白百何、任賢齊、林家棟等人，本來大會安排所有嘉賓行紅地毯進場，但因天雨關係最後取消。
在電影《樹大招風》演大賊的小齊，昨向傳媒透露，日前幾乎被網絡劫匪偷去全部身家，他說：「部電腦俾人hack咗，想轉走晒我全副身家，好彩銀行打電話畀我，原來有人不斷send email去要求轉錢，銀行話要聽到我把聲先會做。」問小齊涉及多少錢？小齊即笑言：「講得多話我講大話，少又冇面，總之係我全副身家啦！」小齊又謂已經報警，通知其他銀行。
古仔力撐入場睇戲
至於今年的影視節大使古天樂，表示自己太忙很少看戲，最多在飛機上看或者看早場。另外，蕭定一早前預計免費電視台在5至10年便全部「執笠」，問古仔有甚麼看法？他說：「科技普及，好多嘢都可以上網睇，但係電影我覺得都係要入戲院睇。」
採訪：張俊銘
攝影：陳俊強
