特首梁振英噚日出席有關「十三五規劃」嘅論壇，台上致辭時當然力挺阿爺力推嘅十三五規劃，並指香港喺落實過程中，內部可能出現情緒上牴觸及政治上干預，但都係唔可以漠視機遇云云！
眾所周知，CY另一樣好like嘅係「一帶一路」，所以佢致辭時都不忘提及佢呢個被視為擦阿爺鞋嘅「心肝椗」，但佢今次學精咗，冇再hardsell無限loop，反而自抽噃，笑指「有傳媒為我統計咗我喺《施政報告》裏面提『一帶一路』呢個詞有42次之多」，強調礙於時間關係唔再複述，台下嘉賓，今次識得即時笑。
而CY上台前一度睇稿啜筆（圖），何事咁肉緊？