「保方、保方，保住後方」，呢句香港著名足球評述員嘅金句，就真係一啲都冇誇張，周日意甲都靈打吡，祖雲達斯作客靠保羅普巴、基迪拉同艾華路莫拉達連入兩球，最終以4:1大勝拖連奴，雖然拖連奴前鋒比洛迪48分鐘射入12碼，令祖記門將保方失波，不過都足夠呢位38歲門神累積974分鐘，打破AC米蘭名宿羅斯保持嘅聯賽最長不失球紀錄，數一數對上一場意甲失波已經係一月11號對森多利亞，認真把閉。保方賽後都好謙虛，話唔失波係全隊一齊努力嘅成果。