巴黎聖日耳門（PSG）喺前一場聯賽，作客大炒特魯瓦9:0而提早喺法甲封王，以為佢哋喺周日嘅聯賽返回主場鬥摩納哥，一定會再贏一場，同主場球迷一齊慶祝啦，所以PSG嘅單W賠率1.27倍，反而摩納哥嘅客W就有8.75倍咁好分。點知喺兩隊接戰之下，有伊巴謙莫域同卡雲尼等壓陣嘅PSG，表現竟然唔多對路，仲喺下半場俾摩納哥嘅路夫同埋法賓奴泰華利斯射入而輸0:2，今季聯賽第二次落敗，唔通PSG教練白蘭斯已經將目標放晒喺歐聯八強度？