阿積士喺周日場荷甲榜首大戰，憑波蘭前鋒米利克喺72秒就頭槌破網，加上荷蘭嘅安華艾加斯喺下半場亦建一功，作客以2:0擊敗燕豪芬，聯賽踢咗28輪，暫時就以68重登榜首，領先燕豪芬兩分。贏波嘅阿積士梗係開心啦，但輸波嘅燕豪芬就認真慘情喇，因為佢哋啱啱先喺上周中嘅歐聯16強，同西甲嘅馬德里體育會喺互射12碼射到第八輪先出局，家陣又連個荷甲榜首位都冇埋，對士氣真係會有打擊，唔怪得燕豪芬教頭高古睇到冇晒表情啦！