踢英超嘅特別多女埋身，當紅嗰啲都更加唔使講。英國小報日前爆料，熱刺嘅英格蘭19歲新星迪利阿里，近排搭上比自己大嘅25歲姐仔麥卡恩（Ferne McCann），俾人見到喺夜店「打茄輪」。知情人士表示：「佢哋兩個不停嘴，完全冇理身邊啲人點睇。」阿里嘅經理人事後冇回應，而麥卡恩嘅發言人都冇否認佢哋係一對。查實阿里拍拖冇問題，最緊要唔好影響踢波就得，特別係熱刺家陣有機會爭英超，睇嚟領隊普捷天奴都會搵阿里傾吓喇。