馬德里體育會歐聯八強抽中對巴塞，喺西甲爭標亦要力追巴塞，唔知係唔係壓力大得滯，上周六西甲竟然自爆，作客希杭雖然有基沙文先開紀錄，但尾段連輸兩球，以1:2敗陣，錄得今季西甲第五場敗仗，聯賽要追巴塞就難上加難。馬體會教練施蒙尼賽後就話，因為遷就亞洲市場要安排當地時間中午比賽，令球隊未能及時回氣，嘩，施蒙尼都算大膽，事關馬體會股東之一就係中國首富王健林，咁樣得罪老闆，施蒙尼真係小心帥位好。