剛入讀密芝根大學就喺NCAA泳賽孭重飛嘅香港泳手何詩蓓，上周六完成一連四天比賽，參加三個單項同四個接力嘅佢，最好成績係200碼自由泳得第五，密大總教練Mike Bottom仲睇好佢喺八月里奧會有作為喎。今次NCAA，密大喺何詩蓓領軍下，攞到總排名第10，係2008年以嚟最好一次，過去三年分別排22、30同36位，成績可以話係大躍進，對讀緊大一嘅何詩蓓嚟講，絕對係參戰里奧前一支強心針。