由唐鵬同何鈞傑組成嘅香港男雙老少配，噚日喺科威特乒乓球公開賽男雙決賽，力戰下以1:3輸咗畀中國許昕/張繼科，只係攞到銀牌。35歲嘅唐鵬同18歲嘅何鈞傑，今年一月德國公開賽都入過男雙決賽，但又係以1:3不敵日本組合。港隊已經玩晒今次科威特公開賽，總共贏到兩銀兩銅，除男雙外，何鈞傑U21男單亦攞到銀牌，至於兩銅為女雙李皓晴/姜華珺，以及U21女單朱成竹。港隊星期三會轉戰多哈公開賽。