胡杏兒去年底與李乘德（Philip）結婚，之後到世界各地度蜜月，玩足兩個半月，終於返港復工，杏兒昨日首度現身海港城的日本櫻花文化祭活動，在台上被日籍小男孩錫面，她一臉受落。在台上她表示尚未習慣被稱呼李太，之後會返內地工作一星期，問她會否掛住老公，她笑言：「暫時唔掛住喇，對咗兩個半月。」
至少兩件
杏兒透露度蜜月後肥了不少，要做運動減肥，她表示：「從未試過放咁長假，去咗12個城市，北海道、大溪地、新西蘭、巴塞隆拿、愛琴海等。老公話我做嘢辛苦，而且大家年紀唔細，要搵多啲時間相處，我哋拍拖時我成日唔喺香港。」問到此行有否造人，杏兒甜爆表示：「呢個問題好尷尬，有冇你哋遲啲都會知。」記者笑她有所暗示，她即否認，不過坦言二人已隨時準備做父母，會盡力造人，希望至少生兩個。問到她會否計劃今年生B，她表示不知道，會工作與造人兩樣兼備。
提到舊愛黃宗澤與日籍女模Jun傳緋聞，她就表示：「最緊要佢開心，希望身邊所有朋友都搵到另一半，好似我咁開心，會支持佢。」此外，杏兒老公Philip昨日在Ig以英語打千字透露度蜜月心聲，他笑言去了兩個月玩得開心，感情增加更親密，不過亦要為瘋狂購物找數，之後要大家共同生活，更期待建設新生命。
採訪：卓寶花
攝影：陳慧安