上周五法甲爆發球迷騷亂，馬賽表現繼續頹，主場2:5大敗予雷恩。一眾主場球迷嬲到爆，除咗拉橫額要求主席拿般尼問責，仲掟嘢同衝入球場（圖）！馬賽中場泰奧雲仲俾水樽掟中，好彩冇乜事。由於群情激憤，保安都搞唔掂，要出動防暴警察平亂。難怪球迷咁嬲嘅，馬賽已經13場主場聯賽不勝，家陣排緊中游。值得一提係，單車球場呢度有份主辦今夏歐國盃，包括上演英格蘭對俄羅斯嘅分組賽。另外，馬賽中場「玻璃人」戴亞比呢場後備入替，自前年九月為阿仙奴鬥修咸頓後首次上陣。