為咗備戰月底國際賽，西班牙國家隊上周五公佈大軍名單，車路士前鋒迪亞高哥斯達（DC）冇份，反而35歲畢爾包老將阿度里斯（圖）就有入選。唔通DC太冇品搞到落選？教練迪保斯基解釋話DC體能麻麻：「如果DC狀態大勇，佢就會重返國家隊。」阿度里斯年紀就大咗啲，但今季西甲入咗17球，所以迪帥話佢入選係實至名歸。至於巴塞隆拿中場恩尼斯達落選，相信係畀佢唞吓。西班牙今月24號會作客意大利，27號就作客羅馬尼亞。