有時侯，我真心覺得港女好麻煩。又喜歡揭時裝雜誌，眼球被鮮豔浮誇的時裝吸引，偏偏，買下一堆頭箍又唔敢戴，又怕人取笑造型浮誇，中女又怕被人背後指指點點話自己扮cute。今季紐約時裝周上，DJ Mia Moretti把碎花頸巾當成頭巾，頭頂紮成一個像腫瘤般大髻，配襯一條淨黑色連衣裙，形成鮮明的對比，呢啲咪叫style囉！
在香港，真係好少見女仔戴頭巾，總之見人戴頭巾，就話似印度人。唔怕話埋畀你知，今季流行頭巾熱潮，Gucci、Dolce & Gabbana、Naeem Khan等品牌都用上鮮豔奪目的頭巾，配襯一身民族look，真係好想夏天快啲嚟！頭巾，是一種既有民族色彩，又復古的飾物，很有個性，冇character女仔都carry唔到。除了可配襯民族look之外，配襯現代休閒服便可以平衡一身復古味。
頭巾不用買，家裏有靚絲巾或薄頸巾就可以包成頭巾。今天，先教大家用長方形絲巾包頭3大簡易法。
方法1：若果正方形大巾，先摺成長幼條，圍在額頭前，在後面打一個結，繞向前方再打一個結，扣上一個復古胸針做裝飾。
方法2：這個比較像波希米亞風的頭帶。絲巾複摺成幼條，絲巾中間位置置於頭腦後方，絲巾在額頭前方扭兩下，繞到後方打結，剩餘絲巾套進頭巾內。
方法3：印度風格。先攤開絲巾，蓋過頭，拿起兩邊絲巾在額頭前扭兩下，繞在後方打結。
記者：陳芷慧
攝影：潘志恆、陳永威