【爆相爆片】方力申同鄧麗欣（Stephy）拍拖10年，上周四突然透過經理人公司發聯合聲明宣佈分手，小方前日出席活動獨自見記者時兩度灑下男兒淚，承認雙方「有問題解決唔到」。
昨日讀者陳先生透過本報「爆相爆片」，指小方昨日在跑馬地Hong Kong Football Club的私人會所做完運動，即買酒準備買醉。片中見到頭戴鴨舌帽、全身黑衫黑褲的小方木無表情，與一名男性友人同行，隱約聽到Sales姐姐說：「兩隻唔同味，Tequila淡啲。」陳先生在電話補充說：「佢（小方）原本想揀Tequila，諗住啃啲，但最後都係揀咗支220蚊嘅紅酒，嗰支酒約14、5度。仲聽見佢（小方）問『呢支酒啃唔啃？勁唔勁？我哋攞嚟隊酒嘅。』逗留15分鐘就走咗。」問陳先生是否第一次在Club遇見小方？他說：「唔係，都見過幾次，但就唔係常客。今日喺健身房就見到佢玩跑步機同舉重，全程都冇乜嘢表情同揦埋口面。」
Stephy半年前離愛巢
昨日有報道指今次是由Stephy提出分手，由於Stephy近年銳意開時裝店做老闆，又找到品牌替她搞排球隊，一直為夢想打拼，反而小方較安於現狀，兩人開始意見分歧。到去年8月拍葉念琛執導的《紀念日》時，很多難以磨合的劇情都是兩人提供，促成分手導火線；至半年前Stephy搬離兩人位於碧瑤灣的愛巢，並於本月9日，即兩人拍拖10周年分手，箍煲不成的小方難怪要借酒澆愁。
採訪：嵐山
