【拆局】
民望低殘，支持率長期潛水的教育局局長吳克儉昨公開「發脾氣」，對有人將香港任何問題歸咎教育制度「好唔順氣」。有政界中人相信，今次吳「發火」，除了與前晚星島集團主席、政協常委何柱國公開批評教育外，更重要是不論建制、泛民、公務員對吳的能力以至個人均十分不滿，「佢可能聞到味，隨時成為被犧牲目標，就算梁振英連任都會被踢出局」。
建制亦向京反映不滿
有政界中人指，何柱國前晚在星島新聞集團主辦的2015年傑出領袖選舉頒獎典禮上，除了批評母語教育及通識教育失敗外，何更直言希望下屆政府有魄力帶領教育行正路，「何柱國咁講，即係變相話今屆政府冇將教育行正路，即係話做局長嘅吳克儉唔掂」，他笑言何說法等同要吳「冇得留低」，「就算梁振英連任成功，都要換走佢」。
事實上，早在何柱國發言之前，已有不少建制中人向北京反映吳克儉「唔掂」，「公務員入面好多人覺得佢冇料、淨係識開口埋口提住佢同特首關係，建制派就覺得佢冇能力，國教又推唔到，又俾泛民、反對派砌到冇反擊力」。
據知曾有不少建制中人向北京提出，換走吳克儉有助改善政府施政，亦可改善民望，「雖然係咁，但因為梁振英撐佢，所以佢一直冇事」，但現時中央對梁支持大不如前，「連何柱國都曲線插佢（吳克儉），我估佢開始驚，甚至擔心梁振英會唔會犧牲佢嚟提升民望爭連任？」
■記者莫劍弦