香港兩大中堅噚日喺中甲爆「紅」，踢天津權健嘅基藍馬勇戰受傷見紅，貴州智誠嘅法圖斯就被罰紅牌，搞到球隊輸波。法圖斯隊智誠作客青島黃海，61分鐘嗰陣仲係1:1，佢呢個時候喺禁區侵犯對手王選宏，結果食紅牌兼輸12碼。最後黃海操刀搞掂，仲錦上添花贏到3:1完場，內地傳媒都話法圖斯被逐係場波嘅重要轉折。至於基藍馬嘅權健就作客5:2大勝浙江毅騰，佢上半場俾對手踢中塊面，中場休息即刻縫針（圖），下半場繼續踢，得到球迷大讚。