呢幾日天氣勁潮濕，幾乎日日相對濕度達到100%，費清望出窗外，只見白濛濛一片，濃霧當中，似乎好有「仙氣」意境，不過屋企勁潮濕，真係令人周身唔舒服，好彩之前睇天文台預測，已經預備左抽濕機隨時出動，對抗「仙氣」。
有同事話出門口返工前開咗抽濕機，返到屋企都唔係俾潮濕「仙氣」籠罩，乾乾爽爽好舒服，費清聽到，話千祈要小心，事關不適當使用抽濕機，隨時有意外，好危險。
根據機電署建議，使用抽濕機時，應該將濕機應放在平穩位置，出風口、吸風口不可被阻擋，確保有足夠空間俾部機散熱，亦唔好長時間運行，以免機件過熱。抽濕機唔好放置浴室內，最好獨立接駁一個固定插座使用，否則隨時火災。外出前，就要記住關掉電源，如果抽濕機長時間無使用，應該先檢查吓機件先開機，如果有不尋常情況，例如盛水器皿有水溢出、異常聲音等，要立即停用，當然最好係按照說明書指引使用同保養，咁用抽濕機都唔使心掛掛。
＃要生計，也要生活＃毋忘初衷
費清