梁特要搞創科局，施政報告又大講搞科技產業同IT，但講番轉頭，究竟現時政府部門又有冇充份利用互聯網？立法會資訊科技界議員莫乃光，入咗條問題問政府，問現時政府網上服務使用率係點、有幾多部門可用電子支付或網上申請服務？
政府嘅答案意料之內，過去3年電子服務使用量最高部門，即係有1,000萬次以上嘅，離不開天文台、郵政署、勞工署、地政總署、香港海關、康文署、公司註冊處同庫務署等市民日常生活最有關係嘅部門，而使用量最低梗係政策局、以及同市民唔關事嘅部門如行政署，但八方最奇係，2015年使用量少於1萬次嘅部門，竟然包括投資推廣署同創新科技署，乜呢兩個同科技有關、吸引海外投資嘅部門，唔係應該最多人使用電子服務咩？