唔少標榜勇武抗爭人士，都最愛話「拆大台」，噚日立法會竟然上演一幕「拆大枱」，仲要係拆財委會主席陳健波張大枱！八方噚日見到，兩名男子喺財委會開會前約15分鐘，將財委會主席木枱前一塊木板拆咗，電掣同火牛外露（圖），兩名男子拆枱後，駐足睇咗幾分鐘，先至將木版裝番上去。究竟邊個咁「勇武」，激過人民力量、社民連，未開會就先拆主席枱？立法會秘書處職員同八方解釋，其實呢班係立法會職員，因為主席枱嘅電腦上唔到網，所以要拆開張枱搞番掂，而且好快已經上得番網喎。