點解最近越來越多人講虛擬實境（VR）？因為呢個新科技可能會再一次改變人類收看影片嘅體驗。只要戴上一個特製頭罩同耳機，就可以360度睇到成個景象。想睇邊個地方，只要搖一搖個頭就見到，令人有身在其中嘅感覺。咁得意嘅新科技，又點少得馬化騰旗下騰訊（700）參與呢？總裁劉熾平透露，騰訊已投資具有VR技術嘅公司，未來或會用作播放NBA賽事。如果真係成事，唔知可唔可以戴住個頭罩，就feel到自己踩入球場，甚至有機會同金州勇士隊頭號明星「咖喱仔」史提芬居里（Stephen Curry）鬥射三分波呢？