個個政黨都搞年輕化，新民黨新一屆青年委員會成員噚日亮相，今日佢哋亦會同人稱Package Lau嘅青年事務委員會主席劉鳴煒會面，講吓青年問題。
去年敗於泛民傘兵楊雪盈手上嘅新民黨靚女、該黨青年委員會執行副主席王政芝（圖）都話，Package Lau令唔少女士心動。至於佢自己，佢話自區選之後，已轉為關注全港議題，但仍相當關注大坑老巢嘅區內問題，又話唔會因敗選而怕咗再參選，反而係好寶貴嘅人生經驗。
該黨青年委員會主席王家揚話，該黨青年委員會有約200人。呢班人生勝利組邊個能夠靠黨主席葉劉呢條跑道順利起機？大家密切留意啦。