女人真係好鍾意鞋同手袋，有人甚至話，一生一定要有一個Chanel袋（肯定係宣傳伎倆），呢個品牌就連行李箱市場都唔放過，搞到唔少闊太名媛繼續大出血。
而作為全球最大行李箱生產商嘅新秀麗（1910，Samsonite）就話「唔驚俾人搶生意」，事關客路同產品定位完全唔同，各有各做。
新秀麗財務總監Mr. Kyle Gendreau指，Chanel嘅客源以女性為主，品牌推出嘅行李箱閒閒哋都幾萬蚊一個，買得嘅客，都係鍾意個brand夠奢華體面。佢揚言「Chanel唔係行李箱嘅expert（專家）」，強調新秀麗有多年生產經驗，旗下行李箱外貌與功能兼備，最適合商務人士出trip用云云。不過，臨尾佢都有讚對方產品嘅設計的確好靚。