美國真人騷女星Kim Kardashian早前公開咗一張全裸自拍照，只係用黑色長條圖形遮住重要部位，結果不停被人惡搞，仲惹來唔少藝人炮轟，鬧佢為年輕女性建立壞榜樣。不過經常自拍裸照嘅索模Emily Ratajkowski就好支持Kim，仲喺Twitter留言「男人唔應該去批抨女性公開裸照嘅決定」，以及「女性有權去展現身體，而唔係被標籤為低賤或者純粹滿足男性。」，認為鬧Kim嘅係性別歧視。Emily之後亦有公開自己嘅自拍裸照。Kim難得有人撐，佢就寫咗張卡同花送俾Emily以示感激。