即將踏入35歲的劉心悠,從台灣來港發展11年,健康、美麗又正氣,贏得女神、BB的名銜。虛擬世界的裙下之臣眾多,或許真實世界也不乏追求者,但她仍找不到真命天子。心悠大後日任吳奇隆與劉詩詩伴娘,再次沾染朋友婚嫁的喜悅,連朋友都絕情地警告她快將到期,她卻不以為意,滿足於充斥着工作、家庭、旅遊的豐富人生,「我唔係好浪漫嘅人」,從不覺得愛情是缺乏。
統籌:林妙萍
撰文:林嘉慈
造型:陳蔚渝
攝影:郭賢興
化妝:Jan Chan of Annie G.
髮型:Eric Chow of XENTER
劉心悠24歲由台灣來港拍戲,保持單身足足11年之久,下月就踏入35歲,是外界公認的女人大限,但她一於少理,「我身邊好多朋友都話:『你就嚟到期!』講得好絕,問題係我覺得自己人生好充實,好滿足,得到我想要嘅嘢,有屋企人,有我想追求嘅,每一日都進步緊,唔覺得嗰個係缺乏。」
她從沒有渴求愛情的軟弱時刻,「我可能睇太多電視劇,劇情太公主王子,我唔係好浪漫嘅人,太dreamy唔現實。」女神的浪漫究竟是甚麼?說得好神!她表示是大愛,可以是在港鐵遇到陌生人讓座,「你鍾意一個人,對佢好係理所當然,對一個未見過嘅人好,去捐錢,甚至去幫吓手都好,我覺得係好romantic、好sweet。」
從沒被禁拍拖
在戲劇世界裏,心悠反而不愁寂寞,去年夥拍型男周柏豪演房事不協調的夫婦,最近第二度合作,於新片《我老婆係明星》再演夫妻,又與另一型男林德信有曖昧關係。心悠做回自己演明星,故事圍繞與任職狗仔隊的柏豪所產生的衝突,心悠為履行嚴禁拍拖的明星合約,終日與柏豪扮鬼扮馬,避免被認出。
由隸屬公司,至現在自立門戶,心悠都不似戲中角色般有愛情規限,「我上一間簽嘅公司,冇框住唔畀拍拖,結婚要講囉,喺合約入面,所以感情、私人部份in my real life,唔係太多限制。我都唔會畀自己好多限制,但好多嘢都講緣份。」
遊歷充實人生
感情空白,不代表生活真空,心悠善用工作空檔,四處遊歷充實自我,「世界每一日好多變,惟有靠自己雙眼、雙腳行過去體驗,當然你可以google,亦可以搵到張好靚嘅相,but it's so different when you are there。」
單計去年至今,她踏遍馬爾代夫、洛杉磯、日本、中國、台灣、古巴等地,尤其難忘在零下30度看極光,「人生起碼要睇一次,一次夠喇,因為始終嗰啲係輻射嚟,唔可以成日見到。我好lucky啦,喺個trip入面有三日都見到,不過好短,兩分鐘、五分鐘咁。」
早前趁農曆新年回家鄉台灣十多日,與家人來回南北部,遊日月潭、薰衣草園,其間不幸遇上台南地震,讓她深深體會與家人相處是無價,「當時喺台北瞓緊覺,唔覺得震。過新年全台灣要經歷咁嘅嘢,對我嚟講,今年個冬天、過年係好難忘,會識得珍惜身邊所有事物,包括人。」她續說:「自細同媽咪住得比較遠,相處時間係好珍貴嘅,但自從媽咪搬過嚟同我住,我已經覺得好幸福。」
認知香港有限
來港多年,心悠對這裏產生了工作的歸屬感,總算是半個香港人。看着香港早前的騷動事件,可覺得負能量好重?她另有一番見解:「自己每日帶住positive energy,如果每個人都咁諗,就唔會有咁多負能量去產生,雖然每一日都有唔好嘅嘢發生,全世界都係,但如果你一路去confirm件事,對件事係冇好處,應該要轉一轉。」
回望這些年的變化,她覺得這片土地不變,「佢唔變就係好多變,一路變緊。」變的反而是自己,由初來報到,一切從零開始,像海綿般吸收,變成有思想、了解自己方向的人,但對香港的認知始終沒有大增長,「淨係知道一個迪欣湖,一有時間都會過去picnic,好靚,我哋會帶埋張枱,有凳,有布鋪地下,去餵蚊。」
自己禮物 自己買
心悠享受單身,連買禮物都不求人,「一向覺得自己獎勵自己係最rewarding,但自己買禮物畀人就選擇珠寶,因為畀人覺得個價值好高貴,可以represent到我嘅心意。」她最愛紫水晶,亦喜歡珍珠,款式偏好後現代設計,「珍珠畀我glamorous嘅感覺,着T恤都可以用珍珠鏈同戒指去style up。」
更多精采時尚內容,盡在 http://add.appledaily.com 。