香港女車神李慧詩（Sarah、左）噚日去昆明接受高原訓練，下月底再飛去巴西，參加里約奧運測試賽，之後就會返港，再去廣州訓練。雖然將軍澳有香港單車館，總教練沈金康冇正面回應點解唔留港訓練，只係話：「現階段需要出外集訓。」今次測試賽好多國家都唔參加，但沈教練都陪慧詩去巴西，適應場地同時差：「如果我哋今次唔去，等奧運先去適應場地，係唔負責任嘅做法。」