打機求職會唔會係大家夢寐以求嘅事呢？英國巴克萊為招攬新血主動出擊，要求應徵者喺面試過程「認真打機」，希望利用智能手機遊戲去揀蟀。
舊年9月巴克萊同美國科網公司SHFuse合作，透過智能手機遊戲Stockfuse比賽發掘新人。
Stockfuse係一款模擬投資遊戲，玩家建立模擬投資組合，炒股又炒滙。相比傳統面試，巴克萊認為打機提供一個更客觀嘅方法，觀察應徵者嘅投資策略同思路，又話超過4,500人玩過款遊戲，順利請咗17位大專生㖭。
部份北美企業亦興起呢股打機熱潮，例如加拿大皇家銀行、美國貨車生產商Daimler Trucks，亦有用手機遊戲考考面試者。呢兩間公司揀咗美國Knack研發嘅鬥智鬥力遊戲，包括Meta maze與壽司大師。所以話呢，讀書成績與搵工未必有關，識玩都有優勢㗎。