阿里巴巴集團主席馬雲講過，阿里嘅成功秘方之一係女人，因為絕大部份買家係女性，騰訊（700）似乎深受啟發，近幾年收購，部份都係搵女人錢。
騰訊除入股咗專賣女性服飾與化妝品嘅「美麗說」之外，最新買入有「美容微整形App」之稱嘅「新氧美容」，騰訊以5,000萬美元（約3.9億港元）投資新氧美容。獲騰訊投資之後，新氧美容嘅估值升到去30億元人仔。
但呢間公司其實冇開美容院或整容醫院，只係一個類似OpenRice嘅平台。睇番早前上市、經營整形美容院DR REBORN嘅醫思醫療（2138），噚日市值28.7億元，又一次印證開展網絡平台業務更受投資者歡迎。就例如facebook冇推出新聞，但就成為全球最大社交媒體一樣，最值錢反而係佢。