下周六(26日)便上演杜拜世界盃日賽事，一眾港隊代表馬，起程前紛紛進行最後備戰。
這天沙田第七組1200米泥閘，便儼如金莎軒錦標的前哨戰，兩匹此賽正選馬賀廐「三和福將」及泥地1200米紀錄時間保持者方廐「控制者」喺呢組閘碰頭。「控制者」喺何澤堯胯下貼欄帶放，末段雖保持勁勢，但韋達策「三和福將」亦有火有力，直路加速透出，衝刺較強，結果以四分三身位左右勝出，「控制者」屈居亞軍。
值得留意喺係評分低一大截，在港三戰直路賽一冠兩亞嘅「嘉福」，亦有極佳走勢得季軍，近乎與「控制者」平排衝刺，反映「嘉福」泥地性能好突出，稍後如初跑泥地要吼實了。
講番金莎軒錦標，「控制者」將配戴圖理、「三和福將」則用老拍檔韋達，且看能否為港爭光了。