新季F1周四喺澳洲墨爾本開幕，衞冕嘅咸姆頓就已經去到附近嘅新西蘭，但就有不快遭遇。佢日前喺twitter話：「唔好去奧克蘭天空城賭場，佢哋好冇禮貌！」不過佢之後剷咗個post，而天空城亦話道咗歉。消息話其實係「黑帝」唔知規矩，因為客人唔可以喺賭場戴帽同黑超，亦唔畀用手機兼自拍，不過呢啲係黑帝最鍾意做嘅囉！