大摩馬房近期成績轉佳，頭馬已增至二十五場之多，馬房消息謂攻勢陸續有來，今期夜賽(16日)信心最大是第八場上陣的「精氣神」，話明降至三班上陣大有便宜，移師谷戰對手較弱，用雷神有望交代。
馬房手足指出，「精氣神」本銳意出爭打吡，但可惜未能及早取勝，分數唔夠未能入選，幕後對此頗失望，但進度未足都冇計。上仗牠跑二班田草千六米，無心插柳情況下走入第三，實力曝光，拚後立即加強操磨，狀態提升，今次報跑60至85分谷草三班賽，令82分二班馬「精氣神」亦可參與，形勢更為有利。
馬房手足話明「精氣神」今仗跑千八米必有足夠長力應付，莫雷拉亦非常睇好此駒，馬房更認為此駒在短期內可交出兩場頭馬，今戰全倉上下都信心爆棚。