憑着愛，話咁快過氣。殘體的愛，無心裝載。以後，憑乜？憑感覺喎，贊成和反對，都一樣，我感覺係乜，就乜。感覺，無敵，大晒。
中國風險？中國機會呀！曾俊華感覺，評級機構是廢嘅。
港獨，感覺點？左佬說，有生之年未見過咁嘅暴動！憑感覺都知，起碼坐十年以上。
魚蛋，更不消提，唔篤，拉！點解？魚蛋感覺，辣過磚頭。
三跑，是下一場拉布戰嗎？梁振英憑感覺預測到，夾硬嚟的建制派照辦煮碗，憑感覺，一個眼神就通過！
小孩和年輕人接二連三頻密自殺，官員憑感覺翻炒阿媽係女人的陳腔濫調，真係感覺到，高官的天堂留位，等於普羅百姓的天堂無門！
憑感覺，香港再不是福地而是一座泥頭山，距離山泥傾瀉不遠。裝睡與活埋，感覺有分別嗎港豬？