求驗客手記：
曼聯英足盃重賽無期？

英足盃嘅四強抽籤形勢公佈咗，如果曼聯可以喺八強重賽贏韋斯咸，就會喺溫布萊球場硬撼愛華頓，至於另一場四強就由屈福特對水晶宮。

不過，曼聯對韋斯咸呢場重賽幾時踢，就令英足總好頭痕，因為若果曼聯喺歐霸盃繼續晉級，就好難搵日子重賽，但得罪魔迷都講句，我求大俠覺得紅魔個勢咁頹，歐霸盃首回合又輸緊俾利物浦兩粒，相信過多兩日英足總就唔會再有呢個煩惱。雖然曼聯成績唔好，但繼續簽到贊助商，佢哋同咗一間油公司合作，搵咗幾個球星每人攞住支機油出席活動，但路爾斯華倫西亞（右）睇落好似唔多開心咁樣喎。