用「不可能的任務」形容香港男子七人欖球隊就最貼切，事關佢哋6月18至19日會喺摩納哥出戰里約奧運世界組遺材賽，要同世界各地15支球隊爭一個席位；咁啱下月八日揭幕嘅香港國際七人欖球賽，噚日喺中環抽籤，港隊抽到同津巴布韋、德國同開曼群島同組。兩位華將姚錦成同李卡度都話，遺材賽剛好有德國份，今次可以先喺大球場切磋吓先。阿成話過去幾個月加強咗體能訓練，無論係香港七欖定六月遺材賽，佢哋都好有信心喎。