安東尼馬迪爾又幫雲高爾吊住鹽水先，喺周日嘅英足盃八強，全靠馬迪爾末段建功，曼聯先可以喺主場逼和韋斯咸1:1，唔使出局住亦唔使三連敗；紅魔將會同「槌仔幫」擇日重賽，再決定英足盃四強之位。
呢場波上半場係悶戰，下半場就精采啲，喺68分鐘皮耶入咗球靚罰球，幫韋咸領先，之後曼聯換入迪比同舒韋恩史迪加（小豬）加強攻力。直至83分鐘，安達靴里拉右路傳中，馬迪爾遠柱射入，幫曼聯保住和局，但喺入波之前，入楔中路嘅小豬將對手門將戴倫蘭杜夫撞咗入龍門，球證冇表示，依然判入球有效。主場都贏唔到，但賽後領隊雲高爾竟然話滿意表現囉。