巴黎聖日耳門（PSG）喺周日嘅法甲，作客狂數特魯瓦9:0，提前八輪衞冕聯賽；而喺下半場食出「大四喜」嘅射手伊巴謙莫域（圖），賽後表示自己雖然喺PSG過得好開心，但係會堅持季尾約滿後就離隊。不過又贏多次聯賽冠軍，顯然令呢位34歲射手心情勁靚，佢之後就講笑話：「如果球會可以將巴黎鐵塔改為我嘅銅像，我就肯定會留隊！」想將自己變成巴黎嘅代名詞，果然係伊巴咁有霸氣先講得出口！