陳奕迅（Eason）、劉心悠、文穎珊（Janice Man）、鄭欣宜與胡定欣等前晚在中環出席髮型屋Xenter成立十周年派對，問Eason對髮型有甚麼要求？他說：「冇乜，最緊要係唔使點打理，最近我想留番長頭髮，睇吓效果點。」昨日是白色情人節，問他與太太會怎樣慶祝？他說：「吓，唔知喎，就嚟日本吸塵機節都要慶祝啦，我只重視過年、中秋、生日同2月14日情人節，其他就冇乜啦！」
談到謝霆鋒被傳與王菲結婚，問Eason是否知情？他說：「冇聽佢提過，上個月我同佢有見過面，如果咁開心事，佢冇理由唔講。上個月聽霆鋒提起好多音樂上嘅事，知佢應該係對音樂有番興趣啦，我都替佢開心。」這兩年Eason做了110場演唱會，最近終可以放假，他笑言：「我𠵱家先至覺得有番自己嘅生命，下個月會開始做番演唱會，最後一站係北京，預計10月去做。」
採訪：羅慧敏
攝影：沈健程
