周日多蒙特主場贏緬恩斯2:0嘅德甲入面，發生咗一件不幸事件，但同時令我求大俠體驗到人間有情。有兩名球迷睇緊波嗰陣，相繼心臟病發，其中一位80歲伯伯喪生；消息喺球場傳開之後，全場八萬幾球迷都默哀，賽後仲高舉頸巾兼唱起《You'll Never Walk Alone》（圖），同企喺中圈嘅多蒙特球員，一齊悼念呢位伯伯。「蜜蜂兵團」今場入球功臣之一嘅馬高列奧斯話：「當我哋比賽嗰陣，啲球迷突然咁靜，開頭都有啲唔開心，但後來知道發生乜嘢事之後，我哋都覺得兩隊球迷好抵讚。」