人哋一啲兩公婆對得耐就有夫妻相，一啲人就話佢哋會似樣、一啲人就話動靜會特別似，好似已為一子之母嘅應采兒(丁丁)同惠州政協老公陳小春結婚6年，兩公婆關係更加甜蜜，不時一齊返大陸參加錄影，二人更好畀心機照顧囝囝「小春子」Jasper。應采兒昨早喺Instagram貼出「九宮格」自拍圖，留言：「If I were a boy……」應采兒個樣有幾個表情同小春一樣，就連眼神都似足個老公，唔少網民都讚佢哋有夫妻相，不過有網民就覺得應采兒有啲似王祖藍，唔通佢哋覺得應采兒似「慳啲啦Baby」!