周家怡、陸駿光昨日在灣仔出席電視論壇活動，對於港視主席王維基表示將軍澳的廠房即將完成，未來以劇集為主，身為前港視藝人的周家怡說：「我聽到佢咁講，我開心到爆炸，𠵱家香港演員發展空間好小，好耐都冇啲國際性嘅明星會出嚟，我自己聽到都好黯然，我多謝王生佢畀機會我去發揮，好難得。」她續說：「𠵱家多咗啲平台，可以培育多啲人，呢一行可以百花齊放，我唔會覺得少咗機會，反而覺得不斷要進步，對自己好事。」
港視廠房即將完成，問她會否回巢拍劇，周家怡說：「一定會應承拍劇，不過我𠵱家有經理人，未必會簽經理人合約。」陸駿光亦說：「我直頭想大嗌出嚟，我希望可以多啲工作製作，keep住磨利把刀。」
採訪：黃曉妍
攝影：沈健程