澳門特首崔世安嘅普通話一向比較普通，宣誓時一句「笨忍吹斯安」成為趣聞。原來佢哥哥、身兼全國政協經濟委員會副主任嘅澳門立法會議員崔世昌（圖）嘅普通話水平都「不遑多讓」。崔世昌近日喺政協會議上發言，提及澳門機遇時講到一帶一路有助加強內地同港澳合作，但無論發言幾咁精闢，都唔夠佢嘅普通話搶鏡，《愛瞞日報》喺fb上載短片，將崔世昌嘅普通話發言配咗讀音，「糟央煎虎」大家知唔知係乜？「意大爺嚕」竟然係阿爺至愛？fb留言話：「澳門人就睇番個澳門版啦，都係嗰句，崔氏兄弟用行動捍衞夠本土特色味的普通話。」