一眾港隊泳將分途喺港、英兩地發功！參加緊蘇格蘭愛丁堡國際賽嘅江忞懿，繼上周五喺100米蛙泳兩破港績後，上周六喺200蛙再以2分27秒96刷新港績（舊紀錄為2分30秒56），奪銀牌兼達里奧B標。香港呢邊，已達100背同100蝶B標嘅「美人魚」歐鎧淳，噚日同施幸余喺城門谷舉行嘅香港短池分齡泳賽分奪全場最傑出同最高分女泳員獎。繼鎧淳上周六破咗200背港績，施幸余噚日就游出58秒10，以0.01秒之差刷新100蝶港績。佢哋下月中會轉戰香港長池計時賽，爭取達奧運A標。男飛魚張健達就包辦男子最傑出同最高分獎，亦有望爭到里奧200自資格。