很多時候，很想知到底有些人是「真心膠」，還是「別有用心」得太「曲高和寡」，正所謂「曲到圓」，從而令大部人揣摩不到其真正意圖。日前特首梁振英建議，於ifc附近建現代化岸邊泳棚，引來熱議。有於中環上班的朋友笑稱，這個集食午飯、「游午水」及「釣午魚」的建議，真的不是「凡人」可想得到。
友人指這個泳棚建議，充斥住濃烈「仙氣」。他說：「我真係好懷疑，若果有人認為呢個建議行得通 ，佢到底有無喺中環返過工囉？又或者咁講，可能真係有啲奇人可以返中環工但又出奇地好清閒，若果唔係，真係好難想像到可以有中環人，可以諗到啲咁嘅建議！」
友人說：「𠵱家中環食飯時間係1粒鐘，坐電梯用咗10分鐘，買嘢食連等位用咗20分鐘，就算食得快，只係用15分鐘就醫飽個肚，只得返15分鐘咋，咁樣係咪游完水衫都唔換就返工？都唔同你計食飽唔好落水呢個問題！」
技術上「釣午魚」可行吧？友人笑謂：「最好就坐住艇釣，咁就有中環特色啦。」古有關雲長讀春秋刮骨療傷，今有ifc外「坐艇釣魚」，妙哉妙哉。
密西比