打正旗號走本土路線的中大學生會，對支持港獨與否，認為要獲港人共同意願才可行，「公投係幾好嘅解決方法」。深信本土思潮大勢不可逆轉，但會長周豎峰個人仍在思索本港未來之路，他逐一羅列歸英、城邦派等論述，「係咪支持港獨？我只諗到係冇乜反對理由」。
「未來一年未必衝到最前線」
同屬本土派的梁天琦被揭內地出生，母親是20多年前來港的新移民，惹本土派定義港人身份爭議。本身於本土派網台MyRadio主持節目的周對「香港人」身份自有看法，「有一大堆條件，只要呢啲條件符合咗一大半，大家會認同你係香港人」，他舉例如擁護和尊重香港文化、捍衞香港利益、自認香港人等。
雙非兒童亦自稱港人，是否符合其「港人」客觀條件？他說：「客觀我認為應該係香港700萬人主觀嘅聚合體，如果大部份港人話佢係香港人，好難話佢唔係。」他建議收回單程證審批權，新移民來港前應設文化背景及語言試作門檻，「香港法定語言廣東話同英文，至少要識得一樣」。
勇武抗爭，他不抗拒。傷及無辜？他希望避免，卻承認難免。他指要尊重任何人以心中正確的方式抗爭，「睇唔到任何原因扯佢哋後腿」。但上任會長後總有掣肘，主持節目也要慎言，行動上亦有限制。「未來一年可能未必衝到最前線，喺後方做資料搜集、發佈訊息、協調工作」。
本土派和傳統左翼社運，看似水火不容，周豎峰卻說：「聽落好似好低能，但應該有一個大和解。」他指本土派逐漸接納「和理非」，吸納民意支持，配合本土派的實際衝擊和壓力，「必然係未來最好嘅出路」。他舉例指自己選學生會正是走「和理非」路線的本土派，「如果唔係我會帶隊攻入學生會室」。校長沈祖堯形象親和，但在周眼中是「公關能手」。他承認沈表態時常站在學生一方，但實際行動如校董會改革則毫無協助，「乜都唔做嘅校長點都好過打壓你嘅校長」。
■記者蕭洛汶