評級機構穆迪下調香港主權評級展望，由「穩定」降至「負面」，主因香港與中國關係密切，擔心中央施政干預影響香港體制，失去原本特殊的地位。
喺收音機聽完呢則新聞報道後，咁啱聽到農夫嘅《Sam哥》，有幾句歌詞話「𠵱家每年多幾千人好兇狠心諗梗係爭住鬆人，唔係啲生意佬去外國進軍，係啲小市民對呢度冇信心，學生哥，好溫功課，𠵱家學生多，更多功課，驚輸在起跑線，童年得考試同測驗，贏咗學分，輸咗童真，Sam哥都估唔到個世界變成咁」。
本港主權評級展望被降是為本港優勢敲響警號，既然背靠中國是改變不到嘅事實，香港打破困局嘅籌碼還剩多少？香港勞動人口急速萎縮，1981年代本港35歲或以下人口，佔勞動人口超過五成；2011年該人口佔比降到三成。與此同時，50歲或以上的勞動人口佔比升至三成，而去年65歲或以上長者佔勞動人口比例已達22%。慶幸本港金融體制穩健，並無債台高築，但多個基建發展項目包括高鐵追加196億元爭議同醫療體系削減開支，種種事情話畀大家知今非昔比。內部問題未解決，又被中國經濟放緩拖後腿下，樂觀睇富貴險中求，危中有機，但悲觀啲睇係要搵求生出口。
Captain Cool
本欄逢周一刊出