拜仁慕尼黑上周六主場迎戰雲達不來梅嘅德甲聯賽，雖然收起咗洛賓、維達爾同杜格拉斯哥斯達等主力，但憑住湯馬士梅拿同堤亞高艾簡達拿各入兩球，加上後備入替嘅羅拔利雲度夫斯基（左）完場前四分鐘建功，最終以5:0大勝雲達不來梅，開出13倍嘅波膽。拜仁今場輕鬆大勝，相信為周三歐聯16強次回合迎戰祖雲達斯打下一支強心針，佢哋喺首回合作客俾祖記迫和2:2，今次返到主場梗係希望贏波啦。