「紅魔鬼」曼聯今季不斷傳出換帥消息，人選不外乎係賦閒在家嘅摩連奴，又或者係現時出任雲高爾副手嘅傑斯。不過近日就有英國傳媒爆料，話曼聯其實仲有第三個選擇，就係現時巴黎聖日耳門（PSG）主帥、曾經喺2001至03球季為紅魔鬼效力嘅白蘭斯（圖）！據聞就連費爵爺都好滿意白蘭斯嘅領軍能力，仲希望球隊喺今夏簽入PSG射手伊巴謙莫域，吸引呢位50歲嘅前法國國腳過檔，兩師徒一齊轉戰英超。