講開恒隆地產（101），集團傳訊助理董事關則輝一放假，就好鍾意周圍去搵食，仲偏愛幫襯老店，噚日佢晨早7點幾去咗大坑康記粥店，仲俾佢成功捕獲親民影星周潤發㖭呀。發哥同慣街坊影合照，關則輝上前邀請合照，佢冇say no之餘，仲一手拎過關則輝部手機，快手嚟個selfie，一take過搞掂。關則輝話，其他食客見到，即刻冇咁怕醜，齊齊要求同發哥合照，成間店登時變得十分熱鬧。康記喺大坑經營超過30年，之前有傳老闆因業主加租而考慮結業，關則輝感到不捨，最like呢度炸兩與腸粉，希望老闆租到新舖繼續經營。