近三次沙田賽事，練馬師姚本輝均取得頭馬，其中「迫擊炮」及「小龍兒」皆由莫雷拉操刀，今次日賽(13日)姚廐將「迫擊炮」及「奮鬥雄心」齊齊交由莫雷拉上陣，既然騎練今季在沙田合作九次七上名，成績咁好，當然有捧場必要。
第六場四班1200米草地，「迫擊炮」五次角逐田草1200米獲一冠一亞兩季一殿未失前四名，上仗初配莫雷拉即打開勝門，該役排14檔起步，沿途走外叠無遮擋，劣勢下仍可衝贏今次又同場之「好人好事」勝出，其實難度甚高，四歲馬留在四班上陣大佔便宜，難得莫雷拉唔放手，續爭首本田草1200米，有力再下一城。
至於第五場四班1600米，「奮鬥雄心」季初由莫雷拉贏田草1400米，之後升上三班，配其他騎師跑過七場，雖然只獲一席季軍，但最遠亦只負三乘多，今仗重返四班上陣，立即回配贏馬拍檔莫雷拉，用埋王牌報名，已盡顯出擊決心。