廣州恒大打開今季中超勝門！主場靠積臣馬天尼斯、列卡度高拉特同郜林各入一球，以3:0輕取長春亞泰，但金英權同張琳芃兩名後防大將傷出，唔知趕唔趕得切星期三對浦和紅鑽場亞冠盃復出。效力亞泰嘅港腳積施利噚晚無緣披甲，坐足成場後備。另外，仲有幾位香港球員會喺今日中甲登場，有基藍馬同吳偉超坐鎮嘅天津權健會作客高梵嘅青島黃海；至於法圖斯同歐陽耀冲效力嘅貴州智誠就會對李志豪嘅梅州客家。