英足盃上周五已經率先上演一場八強戰，由英冠嘅雷丁主場對英超嘅水晶宮，水晶宮憑中場卡比耶12碼先開紀錄，加上前鋒費沙甘保補時入波奠勝，以2:0勝出，繼1995年嚟再次晉身英足盃準決賽，四強喺倫敦溫布萊舉行，水晶宮既有半個主場之利，門票亦都可以收番一大筆。不過水晶宮分心英足盃，近12場聯賽未贏過，亦都只拎四分咁大把，護級未上安全線，到時為咗個盃搞到降班就冇人可憐喇。